Blog

Zyrtar i Kontrollit Financiar (3 pozita)

Qëllimi i Pozitës

Zyrtari i Kontrollit Financiar është përgjegjës për mbështetjen e proceseve të kontrollit financiar, rishikimin e dokumentacionit financiar dhe monitorimin e zbatimit të procedurave financiare në pajtim me politikat e kompanisë dhe legjislacionin në fuqi.

Detyrat dhe Përgjegjësitë Kryesore

• Verifikon regjistrimin e dokumenteve financiare, përfshirë faturat, pagesat bankare dhe dokumentacionin përcjellës.
• Rishikon pasqyrat financiare dhe saktësinë e të dhënave të raportuara.
• Kontrollon deklarimet tatimore, përfshirë TVSH-në, tatimin në paga dhe tatimin në të ardhura.
• Rishikon librat e blerjes dhe shitjes dhe siguron pajtueshmërinë me evidencat financiare.
• Përgatit raporte periodike financiare sipas kërkesave të menaxhmentit.
• Monitoron dhe verifikon shpenzimet operative dhe administrative sipas buxhetit të aprovuar.
• Mbështet procesin e mbylljes mujore dhe përgatitjes së raporteve financiare.
• Kryen analiza financiare dhe krahasuese për identifikimin e ndryshimeve dhe devijimeve financiare.
• Verifikon dokumentacionin mbështetës për shpenzime, kontrata dhe pagesa.
• Siguron zbatimin e procedurave dhe kontrolleve të brendshme financiare.
• Mbikëqyr pajtueshmërinë e proceseve financiare me politikat e kompanisë dhe kërkesat ligjore.
• Asiston në proceset e auditimit të brendshëm dhe të jashtëm duke përgatitur dokumentacionin përkatës.
• Bashkëpunon me departamentet tjera për çështje financiare dhe raportuese.
• Arkivon dhe mirëmban dokumentacionin financiar sipas procedurave në fuqi.

Kualifikimet dhe Kërkesat

• Diplomë universitare në Financë, Kontabilitet, Ekonomi ose fusha të ngjashme.
• Minimum 2 vite përvojë pune në financë, kontabilitet ose kontroll financiar.
• Njohuri të mira të standardeve financiare dhe legjislacionit tatimor në Kosovë.
• Aftësi të mira analitike dhe organizative.
• Njohuri të avancuara në MS Excel dhe programe financiare/kontabël.
• Aftësi për punë në ekip dhe komunikim profesional.

Kompetencat Kryesore

• Saktësi dhe vëmendje në detaje
• Integritet dhe konfidencialitet
• Aftësi analitike
• Menaxhim i afateve dhe prioriteteve
• Përgjegjësi dhe profesionalizëm

Si të aplikoni:

Dërgoni CV-jat përmes email: [email protected] apo aplikoni fizikisht në adresën e kompanisë Devolli Corporation, rr:Zahir Pajaziti pn, në Pejë.

Afati i fundit për aplikim është: 29 Maj 2026.